RAW CHOCOLATE

 Serotonin - Cocoa butter, Cacao, Coconut Oil, Mountain Honey 

 ‪#‎GoHealthy‬ ‪#‎LovelyWinter‬   

Ingredients: Every side of the World, in a piece of chocolate :-)

COCO-NUTS

Можеби ова е десертот кој најбрзо се спрема! За околу 10тина минути.  Овие топчиња се идеалното десертче за во есен. 

Потребни состојки:

150 грама бадеми

7-8 урми

малку кокосово брашно 

Ги мелиме бадемите во кафе мелачка. Урмите ги сецкаме во кујнискиот робот или во блендер (најдобри се оние кои се многу меки) и ги мешаме со бадемите. Потоа додаваме малку кокос за да не се лепи смесата, и може една лажичка мед. Ги оформуваме топчиња и ги посипуваме со кокос. 

Ете тоа е тоа.  :-) 

ПЕНЕСКО ЧОКО ПУДИНГЧЕ

Потребни состојки:

Пола банана

Пола авокадо

Пола чаша вода

Една лажица мед

Една лажица суво грозје

Една лажица брашно од рогач

Сето тоа се пасира додека да се добие пенливо и густо пудинче.

Овошни топчиња

Овошни топчиња

Сушени плодови (во овие топчиња има круши, сливи, праски и урми). Околу чаша и половина. Ако се многу суви се оставаат малку да покиснат во вода. Се блендираат или пасираат. Им се додава суво грозје, и брашно од кокос за да се добие смеса која не се лепи и не е течна, и една лажичка масло од кокос. И потоа се праваат топчиња.

Може да се декорираат со гоџи-бери, сушено манго, кокос, рошков, пчелен прашец.

Многу се вкусни, посебно во зима... :-)

ЧОКОЛАДНИОТ КОЛАЧ

Колку вкусно десертче!

Всушност ова требаше да биде мал колач ... но зашто смесата, ми излезе малку посочна, решив да го направам како сладоледче. И од оваа смеса ми излегоа 4 порции. Мора да го пробате!

Потребни состоjки за филот:
1 чаша ореви
пола чаша меки урми
пола банана
1/4 сурово какао на прав или брашно од рогач
2 супени лажици кокосово масло

За чоколадниот прелив:
50 мл растопено кокосово масло
50 гр сурово какао
сироп од агаве или мед (според вашиот вкус)

Подготовка:

Оревите ги мелиме во кафемелачката, и останатите состојки за филот ги ставаме во пологем сад и ги мешаме со пасатор, или пак се заедно ставаме во блендер, се додека не се добие еднаква и фина смеса. 

А за чоколадниот прелив, најпрво шишенцето (или кутијата) со кокосовото масло, ја ставаме неколку минути во топла вода додека да се опушти, и потоа ги мешаме сите состојки заедно. Можеме со пасаторот, во блендерот или со миксер.

И на крај, во мали и декоративни садчиња ставаме по 3-4 лажици од филот. Одозгора истураме од чоколадниот прелив и ставаме парчиња бананa и ореви за декорација. И ги ставаме околу 10-тина минути во ладилникот за да се зацврстат. 

Богат е на калории, но многу вкусен! И затоа во викенд мора да си го дозволите... Посебно ако сте биле на планина.  :-)

SWEET CAROB BREAKFAST !

За подготовка на овој кремаст, сладок и  raw vegan појадок ви се потребни само 10-тина минути. Дури нема никаков шеќер и слаткоста доаѓа од фруктозата на урмите, од  брашното од рогач и ако се одлучите да си додадете мед или агаве. Можете да го спремите и да го носите со вас на работа или додека патувате. Барем јас постојано правам така кога патувам. Сама си ги подготвувам појадоците од дома. 

Состојќи:

½ чаша мусли (тропикал: со овес, јачмен, жито и сушени плодови)

1/3 чаша ореви

2 лажици ленено семе (смелено на брашно), накиснато во вода за 20-30 мин.

2 лажици брашно од рогач

1 лажица мед или сироп од агаве (може и повеќе, зависи колку слатко го сакате)

4  урми (меки и пресни)

малку био ванила

½ чаша вода (или колку ви е потребно)

Подготовка
Овој пат, оревите, лененото семе и муслите ги смелив во кафе мелачка. И потоа сите состојќи ги блендирав во блендер.

Но, исто така можете и сите состојќи да ги ставите заедно во блендер (ако имате многу силен блендер, ќе може да се смелат фино и оревите и муслите), и да блендирате додека не се добие густо пудингче. Ако сакате да е топло, можете малку да ја загреете водата пред да блендирате. Обично кога си подготвувам пудинг ставам само ½ вода, за да биде густичко.

Во овој појадок има се што му е потребно на телото. Фруктоза, јаглехидрати, протеини и здрави масти. 

Нека ви е слатко :-)

П.С. Неколку мали трикчиња:
1. Ако си направите повеќе отколку што можете да изедете сега или нема со кого да си го поделите :-) , слободно ставете го во ладилникот. Овој пудинг, може да стои два-три дена и пак да остане свеж и вкусен. (Сепак не заборавајте дека суровата храна, сепак си останува сурова и непреработена.)
2. Најпрво во блендерот ја ставам водата со урмите и ванилата и ги блендирам, зашто така урмите и убаво ќе се обработат, и целото пудингче ќе биде поблаго. Кога додавам малку парчиња банана, не ставам мед или агаве. Оти со банана и урми е доволно благо.
Ахххх, се вљубив во овој десерт. Одам да си го подтогвам... :-)
Byeeee

OUR FIRST RAW CAKE

Нешто слатко, многу слатко. Многу вкусно.... мммммммммм.

Оваа торта беше направена еден викенд и и се насладувавме. Никогаш не замислував дека суровата и жива торта, може да биде непроценливо повкусна од сите торти кои досега сум ги пробала во животот. Толку беше вкусна, што ја излапкавме цела за неверојатно брзо време.  :-D

Состојки

За коричката:

½ чаша бадеми

½ чаша индиско кашу

½ чаша ореви

1 чаша урми (да бидат мекички и сочни)

¼ кокосово брашно

Јатките ги мелиме во мелничка за кафе или во блендер, додека не станат како брашно. Потоа во блендерот ги додаваме и урмите и на крај и кокосовото брашно. Доколку сакате можете претходно да ги накиснете јатките во вода, за околу 12 часа...

Тестото се прави со основа и два сантиметри “ѕидче” одоколу, за да може да се попoлни со филот. Врз тестото се ставаат резанчиња од банана и се залева со филот.

Фил:

3 чаши индиско кашу

¾ чаша лимонов сок

¾ чаша сироп од агаве

¾ чаша кокосово масло

Врв од мала лажичка ванила

½ чаша вода или колку е потребно

Го мелиме кашуто во кафе-мелачката, и ги додаваме сите состојки. Потоа со миксер или пасатор ја обработуваме смесата и ја поливаме. Препорачливо е пред да ја декорираме да ја ставиме за 15-тина минути на ладно - но не во замрзнувачот. Кокосовото масло има тенденција да се стврднува на пониска температура. И така филот станува цврст....

А декорацијата е со лешници, киви, какао, гоџи бери, суво грозје и кокос.

На крај, ѕидовите од тестото ги намачкав со вкусна чоколадна смеса (сироп од агаве, брашно од рогач и малку сурово какао, смелено на прав).